Presentacion de le jaça a Mamisan plaja
Le jaça de les vacanças a Mamisan-plaja
Le jaça de les vòstas vacanças a Mamisan-plaja, còsta Atlantica, 248km de sable saure.
Le jaça
En 1920 aquera cabana que servit d'establa per les vacas qui vinèvan pàisher suu prat salat qui's tròba encoèra en fàcia dens lo cors d'aiga.
Pui hòrt mèi tard entre 1945 e 1950 aqueth cabanon que servit de burèu per le Marina a vela basada a Mamisan sus l'estanh.
Après le guèrra de 39/45 los pairsbons que son vinuts d'Òut e Garona per passar les vacanças au campament de Mamisan plaja durant 3 o 4 estius. Per les soas peregrinacions au long de l'arriu qu'an vist qu'aquesta cabana, pròche de tres o quate autas au cap de l'honset, estot a vénder.
Pròche deu "Corrènt" (nòm de l'arriu) e de l'ahorèst, plenha natura a l'epòca shets construccion en dur.
Qu'estot en 1950, truc au còr de le mairbona, le crompa estot hèita, d'ara avant aquò estot per nosatis los descendents, lo nòste lòc de vacanças a cada còp qu'estot possible.
Per le mia part que m'i sui installat definitivament en l'annada 1981. Pui qu'an pravat los nòstes dròlles dens le calma de le natura, lunh de les vilas tumultuosas.
A cada còp que pusquin que tornan eths tanben a les soas arraditz dens lo nòste petit paradís terrèstre.
Com es ?
Lo chalet que's tròba dens un honset, pauc de circulacion, hòrt calma.
Plenha vista sus lo plèc de l'arriu, qui desboca en mar a 2km.
Variacion deu nivèu, subjècte a les marejas.
Site naturau protegit, animaus sauvatges.
Les tapisserias e sòus deu corredèr e de le crampa principau qu'èran botat a nau en 2012.
La decoracion d'aqueras pèças qu'estot modernizada.
Hòra le sason hauta de l'estiu (Junh a Seteme), les arrivadas e desparts que pòden se har en dehòra deus dissabtes.
A l'agòr de 2021 lo teit qu'estot hèit tot nau e l'isolacion tanben !
Los proprietaris
Gascon, électrician a la retirada, mes tanben, artista pintre, dansaire de danças cubanas e de Tango argentin.
Que perpausa cors de gascon per qui vòu arretrobar le lenga deu país.
Madama qu'es retirada deu mestièr d'infirmièra liberau e es le soa companha de dança.
Que perpausa sesidas de danças terapia, (véder lo son site en onglet)
e relaxacion en reflexologia plantària.
Que poderatz har profieit de tot aquò en opcion (paganta) au temps deu vòste estanc.
Entresenhetz-ve, ne còsta pas car !
Punts màgers
L'arcuelh avant tot e le calma, le proximitat de le natura, le proximitat deus comercis.
En permèr
En arribant a Mamisan plaja préner 3au sortida sus lo gròs viraplèc juste après lo panèu d'entrada deu vilatge. (de cap a le plaja deu Corrènt)
Pui au cap de le rua deus ulhets, encoèra man esquèra, entratz dens lo honset. Lo 56 qu'es au hons sus lo viraplèc per se'n tornar.
L'ahorèst e Mar grana en permèr lòc, grans espacis !
Los grans estanhs au Nòrd, le laca d'Arcaishon, lo Pilat. Au sud lo Bascoat e les soas montanhas.
A Mamisan borg lo campanar pòrge de l'anciana abadia, classat au patrimòni de l'Unescò.
Mantuvas activitats perpausadas ligadas au pinhadar, Mar grana e a l'estanh entà ne pas s'anujar.
Surf, bicicleta, marcha, gòlf, equitacion, quite-surf, taula a vela, jet-esqui, vela, parachutisme, eca....
E le gastronomia landesa pr'un bon repaish en serada avant d'anar dançar se lo còr demanda !
Last edited: 21/03/2022
