Presentacion de la jaça a Mamisan plaja

La jaça de las vacanças a Mamisan-plaja

 

La jaça de las vòstas vacanças a Mamisan-plaja, còsta Atlantica, 248km de sable saure. 

La jaça

 

En 1920 aquera cabana que servit d'establa per las vacas qui vinèvan pàisher suu prat salat qui's tròba encoèra en fàcia dens lo cors d'aiga. 
Puish hòrt mei tard entre 1945 e 1950 aqueth cabanon que servit de burèu per la Marina a vela basada a Mamisan sus la laca.
Après la guèrra de 39/45 los pairsbons que son vinuts d'Òut e Garona per passar las vacanças au campament de Mamisan plaja durant 3 o 4 estius. Per las soas  peregrinacions au long de l'arriu qu'an vist qu'aquesta cabana, pròche de tres o quate autas au cap de l'honset, estot a vénder.
Pròche deu 'Corrent'(nòm de l'arriu) e de l'ahorest, plenha natura a l'epòca shens construccion en dur.
Qu'estot en 1950, truc au còr de la mairbona, la crompa estot hèita, d'ara avant aquò estot per nosatis los descendents, lo nòste lòc de vacanças a cada còp qu'estot possible.
Per la mia part que m'i sui installat definitivament en l'annada 1981. Puish qu'an pravat los nòstes dròlles dens la calma de la natura, lunh de las vilas tumultuosas.
A cada còp que pusquin que tornan eths tanben a las soas arraditz dens lo nòste petit paradís terrèstre.

Com es ?

 

Lo chalet que's tròba dens un honset, pauc de circulacion, hòrt calma.
Plenha vista sus lo plèc de l'arriu, qui desboca en mar a 2km.
Variacion deu nivèu, subjècte a las marejas.
Site naturau protegit, animaus sauvatges.

Las tapisserias e sòus deu correder e de la crampa principau qu'èran botat a nau en 2012.
La decoracion d'aqueras pèças qu'estot modernisada.
Los saumèrs e matelàs que son naus d'aquera annada 2012.
Hòra la sason hauta de l'estiu (Junh a Seteme), las arrivadas e desparts que pòden se har en dehòra deus dissabtes.

Los proprietaris

 

Gascon, électrician a la retirada, mes tanben, artista pintre, dansaire de danças cubanas e de Tango argentin.

Que perpausa cors de gascon per qui vòu arretrobar la lenga deu país.


Madama qu'es retirada deu mestièr d'infirmièra liberau e es la soa companha de dança.

Que perpausa sesidas de danças terapia, produits a l'Aloe Vera (véder lo son site en onglet)

e relaxacion en reflexologia plantària.

 

Que poderatz har profieit de tot aquò en opcion (paganta) au temps deu vòste estanc.

Entresenhetz-ve, ne còsta pas car !

 

Punts màgers

 

L'arcuelh abans tot e la calma, la proximitat de la natura, la proximitat deus comercis.

En permèr

En arrivant a Mamisan plaja préner 3au sortida sus lo gròs viraplèc juste après lo panèu d'entrada deu vilatge. (de cap a la plaja deu Corrent)
Puish au cap de la rua deus œillets, encoèra man esquèra, entratz dens lo honset. Lo 56 qu'es au hons sus lo viraplèc per se'n tornar.
L'ahorest e Mar grana en permèr lòc, grans espacis !
Las grans lacas au Nòrd, la laca d'Arcaishon, lo Pilat. Au sud lo Bascoat e las soas montanhas.
A Mamisan borg lo clochèr pòrche de l'anciana abadia, classat au patrimòni de l'Unescò.
Mantuas activitats perpausadas ligadas au pinhadar, Mar grana e a la laca entà ne pas s'anujar.
Surf, bicicleta, marcha, gòlf, equitacion, quite-surf, taula a vela, jet-esqui, vela, parachutisme, eca....
E la gastronomia landesa pr'un bon repaish en serada abans d'anar dançar se lo còr demanda !

 

Last edited: 24/06/2021